Nú er lokið byggingu rúmlega 70fm vallarhúss á Blönduósvelli en bygging þess hófst á vormánuðum 2014. Að byggingunni komu auk knattspyrnudeildar Hvatar, Blönduósbær, fjöldi sjálfboðaliða, fyrirtæki á Blönduósi, ýmsir styrktaraðilar og KSÍ.

Húsinu í skipt í tvo hluta. Um 20fm eru salerni og um 50fm eru nýttir undir búnað varðandi umhirðu vallarins og auk þess er húsið nýtt við sölu varnings á Smábæjaleikum. Knattspyrnudeild Hvatar kann öllum þeim sem komu að byggingu hússins bestu þakkir fyrir þeirra framlag og vinnu.