Nú í vetur var endurnýjaður samstarfssamningur við Arion banka og SAH Afurðir varðandi Smábæjaleika Arion banka sem haldnir hafa verið undanfarin 11 ár. Nýju samningarnir eru til tveggja ára og er stjórn knattspyrnudeildar þakklát þessum fyrirtækjum fyrir þeirra stuðning í gegnum árin.

Nú er undirbúningur fyrir tólftu Smábæjaleika Arion banka og SAH Afurða í fullum gangi og fljótlega kemur í ljós hvaða lið taka þátt og hver þátttakendafjöldinn verður.

Valgerður Hilmarsdóttir undirritaði samninginn fyrir hönd SAH Afurða og Auðunn Sigurðsson fyrir hönd Arion banka en Hilmar Þór Hilmarsson, formaður knattspyrnudeildar Hvatar fyrir hönd félagsins.